Destinasjonsleiinga i Suldal er representert av Suldal kommune, Næringshagen i Ryfylke og Suldal Næringsforening v/Reiselivsgruppa. Reiselivsgruppa her representerer privat næringsliv med sine medlemsbedrifter, som inkluderer overnatting, hytter, aktivitetstilbod, utbyggarar, handel, lokalmatprodusentar og meir. Næringshagen i Ryfylke sit på fleire driftsoppgåver relatert til reisemålet, på oppdrag av Suldal kommune og Suldal Næringsforening, som mellom anna drifting av turistkontor og laksestudio, drifting av Visit Suldal-merkevara, prosjektansvarleg for Berekraftig reisemål-ordninga, utvikling av den toårige turistbrosjyra, første kontaktpunkt mot samarbeidspartnarar i regionen for reiselivsrelaterte spørsmål og som aktiv pådragsytar i utviklingsprosjekt.
Per 2023 er destinasjonsleiinga representert av følgjande personar:
Destinasjonsleiinga samarbeider med ei rekke andre lokale, regionale og nasjonale samarbeidspartnarar i utviklinga av reisemålet. Dette er mellom anna Reisemål Ryfylke og andre reisemål i vår region, ulike avdelingar hjå Suldal kommune som bygdeutviklings- og kulturavdelinga, Rogaland fylkeskommune, verneområdestyret SVR, Ryfylkemuseet og fleire.
Alle aktørar involverte i eller med interesse for reiselivet i Suldal er hjartleg velkomne til å koma med innspel til destinasjonsleiinga og å organisere seg gjennom eit medlemskap i Reiselivsgruppa.
Destinasjonsleiinga i Suldal har som eit overordna mål om at Suldal skal vera ein god stad å bu og besøke, i dag og for framtida. I dette arbeidet har berekraftsperspektivet alltid stått sterkt, trass i at ein har døme på det motsette. I nyare tid har dette arbeidet vore knytt opp mot FN sine berekraftsmål, WTO sine ti prinsipp for eit berekraftig reiseliv og norsk forvaltning og lov. Vidare står den nasjonale reiselivsstrategien, Rogaland sin nærings- og innovasjonsstrategi og Suldal sin kommuneplan sentralt i arbeidet.
I 2020 blei desse premissane styrkja ytterlegare ved at Suldal mottok Innovasjon Norge sitt merke for Berekraftig Reisemål-ordninga. Under overrekkinga av merket uttalte næringsminister Iselin Nybø følgjande:
- Gratulera så mykje til Suldal med Merket for berekraftig reisemål. Arbeidet som er lagt ned for å kvalifisere seg har vore omfattande. Eg kjenner godt til kommunen og er spesielt begeistra for den heilskaplege tilnærminga prosjektleiinga i Suldal har valgt. Reiselivsaktivitet påverkar heile lokalsamfunnet og då er det viktig at alle blir involvert.
Merket er eit viktig strategisk verktøy for reisemålet i arbeidet for ei langsiktig og berekraftig utvikling gjennom involvering, ansvarleg styring og verdiskaping. Gjennom ordninga må me mellom anna kartleggje ei rekke kriterie innanfor miljømessig, sosial og økonomisk berekraft kvart tredje år, for å vise til betring. Merket betyr difor ikkje at ein er "berekraftig", men at forpliktar seg til å arbeide for ei berekraftig utvikling der ein skal vise til kontinuerlig betring og arbeide mot felles nasjonale strategiske verktøy og målsetningar.
Du kan lese meir om korleis Suldal arbeider med berekraft under våre berekraftsider her.
Destinasjonsleiinga har faste kvartalsvise møtepunkt gjennom året, etter årshjul for oppfølging av reiselivsstrategien og relaterte handlingsplanar. Som ein del av dette har har me også ei årleg rappotering til kommunestyret i Suldal og fast informasjon gitt på kvartalsvise møtepunkt for Reiselivsgruppa. Me har også faste innbyggjarundersøkingar, hytteundersøkingar, medlemsundersøkingar og gjeteundersøkingar. Arbeidet til Destinasjonsleiinga blir vidare informert om i ei rekke andre relevante kanalar og møtepunkt med involverte aktørar. Ved revidering av reiselivsstrategien og re-merking som Berekraftig Reisemål, kvart tredje år, opnar ein for ein større prosess med deltaking frå det frivillige, offentlege og private.
All kommunikasjon under Skattkammeret Suldal skal bygge opp om vår felles merkevarestrategi, slik at arbeidet med å løfte fram Suldal som ein god stad å bu, arbeide og besøke bygger på eit felles verdi- og kunnskapsgrunnlag. Du kan lese merkevarestrategien her.
Brukarar av Skattkammer Suldal profilen forpliktar seg også til å følgje Suldal sine føringar for ansvarleg marknadsføring slik at informasjon, bilde og annan kommunikasjon bygger opp om god besøksforvaltning, trygg ferdsel og bygging av den lokale identiteta. Les retningslinjene her.
Skattkammeret Suldal har ein eigen logo som skal bidra til auka merkevarebygging. Logoen består av eit ikon og eit namnetrekk.
Ikonet symboliserer både at «skattane» i kommunen stråler ut, i tillegg til at det kan symbolisere vassdråpar som igjen blir viktig kraft for industri og anna næring i kommunen.
Namnetrekket er sett i ein typografi som har eit reint uttrykk og som er godt lesbar. Namnetrekket skal symbolisere styrke og stabilitet, og vera ein kombinasjon mellom harde og mjuke former.
Logoen består av to element: symbol og namnetrekk. Logoen skal alltid bli brukt i si opprinnelige form. Fargar, skrift og avstandar skal ikkje bli endra. Namnetrekket i logo skal alltid bli brukt i 100% svart eller kvit. Logoen i fargar skal alltid stå på ein bakgrunn som gir god lesbarheit og kontrast til fargane.
Hovudlogoen i ein farge kan bli brukt i 100% svart eller i 100% kvit.
Logoen bør ikkje bli brukt i mindre storleik enn 15 mm breidde for at den skal vera godt lesbar på trykk. På digitale flater er minste storleik 75 pixlar breidde.
For å sikre logoens eigenart bør det ikkje plasserast andre element nærmare enn feltet rundt logo, markert som stipla ramme under. Feltet er definert på alle logo versjonar i profilen.
Logoen skal alltid bli brukt etter retningslinjene i denne manualen. Her følger nokre eksempel på rett og feil bruk av logo.
Det er fire hovudfargar i Skattkammeret Suldal sin profil, blå, grøn, raud og oransj, samt ein nøytral svart (kvit) tilleggsfarge. Fargane er definert etter Pantone fargesystemet. Fargane kan bli prukt med 4-farge CMYK profilar til print og RGB profilar til skjermar.
Hovudfargane i profilen kan nedtonast i alle prosentar av metting.
For å sikre eit samla uttrykk i all marknadsmateriell er det naudsynt med konsekvent bruk av same skrifttypar. Dette skapar eit ryddig uttrykk, bidreg til merkevarebygging og styrkar omdømmet. Ein bør kun bruke skrifttypane som er definert i profilhandboka. I overskrifter, ingressar og brødtekst skal skrifttypen Gotham eller den kondenserte versjonen Gotham Narrow bli brukt. Alle snitta av fonten kan bli brukt. Under viser eit utval snitt. Til intern bruk, og i tilfelle kor det ikkje er mogleg å bruke hovud skrifttypen, skal skrifttypen Arial bli brukt.
I profilen er det utforma ein tag. Tag skal i hovudsak bli brukt av kommune og offentlege aktørar, men kan og bli brukt av næringsliv og private aktørar som ønsker å profilere Suldal i marknadsføring. Fleire tag'ar skal ikkje bli brukt saman/på same produkt. Typografi, form og fargar skal ikkje endrast. Ein kan bruke alle fargeversjonane av tag som vist her. Minste anbefalt storleik for tag er: Trykk = 20 mm breidde. Digitalt = 80 pixlar breidde.
Skattkammeret Suldal tag på andre språk kan bli brukt i marknadsføring spissa mot internasjonale målgrupper. NB! På produkt med fleire språk i tillegg til norsk, skal i hovudsak tag på norsk bli brukt. Typografi, form og fargar skal ikkje endrast. Ein kan bruke alle fargeversjonane av tag som vist her.
For at Skattkammeret Suldal tag skal bli oppfatta som eit merke og ikkje ein logo, skal den alltid plasserast langs øvre kant på eit dokument eller eit bilete. Tag skal ikkje plasserast i nærleik til eigen aller annan logo. Tag bør i størst mogleg grad bli brukt saman med hovudlogoen, då det vil koble elementa saman og bidra til auka merkevarebygging. Under er nokre eksempel på bruk og plassering av tag elementet. Eksempla bruker grafiske element og fargar frå Skattkammeret Suldal sin profil.
Fargane er viktige verkemiddel i den visuelle identiteten til Skattkammeret Suldal. Dei komplimenterer bilete og knyter dei grafiske elementa til profilen. Fargane kan bli brukt som bakgrunnar, til tekstblokker, til framheving av tekst eller som støtteelement til overskrift. Alle hovudfargane i profilen kan bli brukt som dekorelement. Fargane kan brukast i kombinasjonar som gjev god nok kontrast for lesbarheit, og balanse med bilete og andre element.
Ringverknad er grafiske støtteelement i Skattkammeret Suldal sin profil. Elementa er abstrakte organiske former, inspirert av landskap og naturressursar. Formene skal symbolisere rørsle og utvikling, kor mindre og større krefter påverkar kvarandre, samstundes som dei breier seg utover i same retning. Elementa kan ved høve delast opp og bli brukt i ulike former som støtteelement til dei andre verkemidla i profilen.
Ringverknad-elementa kan brukast som grafikk på farga bakgrunn. Dei kan bli brukt i alle fargar og mettingar frå profilen, og i kontrast til ulike bakgrunnsfargar, men det skal ikkje blandast ulike fargar i eitt og same element.
Ringverknad-elementa kan bli brukt som grafikk på bilete, som ei form bilete kan setjast inn i og i kombinasjon med fargeblokker. Det er anbefalt å bruke elementa når målet er å forsterke og komplimentere bilete, og skape form og rørsle for å formidle ei stemning. Det er ikkje anbefalt å bruke elementa når bileta i seg sjølv skal formidle eit tydeleg bodskap.
Ringverknad kan bli brukt på fleire måtar i lag med dei andre elementa i profilen. Her er nokre eksempel på layout-kombinasjonar.
For Ringverknad er det laga eit verktøy der ein med Powerpoint kan lage bilete med Ringverknad-effektar.
Bruk av film og bilde er ein viktig del av merkevarebygginga. Skattkammeret Suldal sin profil har eigne bilde- og filmbankar som er tilgjengelege for dei ulike avsendarane knytt til merkevara. Bilde skal vera i god, høgoppløysleg kvalitet og i størst mogleg grad tatt av profesjonelle fotografar. Hugs også på å kreditere fotografen etter standard for merkevara: © Skattkammeret Suldal. Foto: (namn på fotograf).
Eit online bilet- og filmarkiv for Skattkammeret Suldal blir administrert Suldal kommune, som du kan klikke deg inn i her. Ta kontakt med Suldal kommune v/Elisabeth Bjørkhaug for meir informasjon.
Næringshagen i Ryfylke administrerer også eit eige bildearkiv for Suldal Næringsforening v/Reiselivsgruppa. Kontakt Næringshagen i Ryfylke v/Anita Svendheim for meir informasjon.
.avif)
.avif)
.avif)
.avif)
Eksempel under viser bruk av Skattkammeret Suldal logo, tag og element frå profilen i trykksak for Suldal kommune.
Eksempel under viser bruk av Skattkammeret Suldal logo, tag og element frå profilen i marknadsføring av reiselivet i Suldal.
Eksempel viser bruk av Skattkammeret Suldal logo, tag og element frå profilen på digitale flater.
Skattkammeret Suldal har utvikla eigne skiltmalar for å sikre ein raud tråd på tvers av informasjonspunkt i kommunen. Det er totalt tre skiltmalar: «Turistskilt» for informasjon om kommunen og området der skiltet er plassert (Visjon A0, Arkeoplan), «Informasjonsskilt» for skilt som går meir i djubden med informasjon om eitt område (Visjon A0, Arkeoplan) og «Infopunkt» for mindre skilt som deler informasjon om eitt område (Plano, A1, Arkeoplan). Som ein generell regel nyttar ein svart ramme for skilta i sentrumsområde og grøne rammer for skilta i naturområde.
I merkevareplattformen ligg det tilgjengelege Office malar som word og power point som alle avsendarar kan bruke. Endringar i desse malane skal følgje retningslinjer i denne profilmanualen. Last ned malen du ønskjer direkte frå nettsida for å få siste versjon tilgjengeleg.
Last ned profilhandbokaSuldal kommune
Eidsvegen 74230 SAND
Telefon: 52 79 22 00
postmottak@suldal.kommune.no
Design/kontakt:
Omega 365 Design hei@omega365design.no
Gata 22, 4230 Sand (Sommarsesongen)
Sandsvegen 134, 4230 Sand (Heile året)
Tel: (+47) 995 63 001
E-post: suldal@visitsuldal.no
