Ved Svultanuten finn du «Suldalstunga» som er vår heilt eigen versjon av «Trolltunga». Turen er også kortare og mindre besøkt enn den populære turistattraksjonen i Hardanger. Svultanuten ligg ved Napen, like under Svultanuten, mellom Sandsa og Nedre Moen.
På toppen av Hellandsnuten vil ein på gode dagar få ei fantastisk utsikt ut over heile fem fjordar, og på klare dagar kan ein sjå heilt til Stavanger! Turen er krevjande, men flott usikt og litt niste på toppen gjer at ein får løn for strevet. Meir informasjon om turen finn du under «Vandring».
Den vesle hytta på ein holme i Lovrafjorden er kanskje ei av dei mest fotograferte stadane i kommunen. Kven kunne vel ikkje tenkja seg ei helg her? Hytta finn ein når ein køyrer lands RV 13 mellom Erfjord og Sand, like ved avstikkaren mot Jelsa, Sandsfjord bru og Ropeidhalvøya.
Toppen av Grytenuten på Ropeidhalvøya gir fantastisk utsikt over fjorlandskapet og øyane, og turen er like flott sommar som vinter. På toppen finn ein også ein kikkert slik at ein kan utforska utsikta nærare. Turen kan kombinerast med besøk til dei flotte fjordbygdene Marvik og Hebnes, og kanskje også ein tur innom butikken i Vatlandsvåg?
I Suldalsheiane, langs Blåsjøvegen frå Gullingen til Blåsjø finn du denne flotte kulpen som har blitt eit populært Instagram-punkt og badeplass. Staden finn du på venstre side av vegen når du er på veg opp mot Blåsjø, mellom parkeringa på Øvre Moen og tunellen opp til Oddatjøndammen. Temperaturen i vatnet er ofte tilsvarande det som på sitt beste kan bli kalla "friskt" så er her det berre å bite tenna saman og smile til kameraet!
Me er alltid på leit etter fleire gode insta-punkt i kommunen! Del med oss på #VisitSuldal.
No items found.
Gata 22, 4230 Sand (Sommarsesongen)
Sandsvegen 134, 4230 Sand (Heile året)
Tel: (+47) 995 63 001
E-post: suldal@visitsuldal.no
