Breiastølsdalen skiområde

Breiastøldalen er eit flott turområde der ein finn skiløyper for alle ynskje og nivå av erfaring. Området har også fleire toppturar og eigen skileik i sesong!

‍

Du kan prøva deg på vegen inn mot Sandsaosen for ein tur på 10 km utan større endringar i høgdemeter og stigning. Denne turen er på tilsaman 10 km (kategori grøn). Det er også flott å ta turen til høgre inn langs fjellkanten inn mot Langeli, der det ofte er meir vindstille på vindfulle dagar (kategori blå).

Den meir erfarne skigåar kan ta rundturen rundt Reinsheia på totalt 13 km (kategori raud). På turen får du med deg flott fjellandskap, og av og til kan ein føla at ein er heilt åleine i verda, med snø og himmel så langt du kan sjå. Ein kan også ta turen over Skuteheia på 8 km (kategori raud).

Ved inngangen til Breiastøldalen skiområde finn ein ein av to skileikar i området (Sjå "Løypekjøraren på Gullingen" si Facebook-side for oppdatering på sesong). Her kan borna få prøva seg på ulike skiaktivitetar som kulekøyring og hopp. Ein flott plass for ein rast! Dagen kan avsluttast med eit måltid på Gullingen Turistsenter og Fjellcamp.

Breiastøldalen ligg like over Gullingen når du tek av frå RV 13 på veg oppover fjellet. Du tek av forbi Turistsenteret og fortset forbi skitrekket.