Frå båthamna kan du gå Erøy rundt. Følg den asfalterte vegen til Tednes og vidare på grusvegen inn på eit jorde. Her går stien opp i åsen før du kjem ned att på ny grusveg med flott utsikt over fjordgrenda. Følg vegen tilbake til båthamna. Turen tek ca. 2 timar.
Dagsturhytta på Kvilehaugen startar frå Jelsa skule - eit steinkast frå båthamna. Turen er godt eigna for småbarn og tek 30 minutt. Turen kan forlengast med å fortsetje langs stien opp til Junkervarden med fantastisk fjrodutsikt. Denne tek ca. 3 timar.
Barkåsen kan også nåast frå Dagsturhytta, men følg skiltinga ned mot bilvegen att og kryss denne for å kome til stien til Barkåsen. Turen tek ca. 2 timar.
Den kulturhistoriske løypa rundt Grytevatnet er ein flott tur og fin å nå frå båthamna. Turen tek ca. 2 timar og passar både den naturinteresserte og den kulturhinteresserte.
Rundtur i marvik tek ca. 2 timar og startar ved båthamn og tek deg innom blant anna Marvik kapell.
Rundtur over Høse bru og mot Gardaneset er perfekt for den som ynskjer å rusle. Turen tek 1 time og går langs Suldalslågen, men for den som ynskjer å gå litt lenger kan ein følge stien langs lågen rundt Gardaneset heilt opp til Sandsbygda. Turen tek ca. 1,5 timar.
Fiskebergåsen og Fiskeberget kan nåast frå Høse bru og gir flott utsikt over strandstaden Sand. Turen tek ca. 2 timar.
Turen til Ørå er kort og bratt, og tek 30 min - 1 time. Denne gåast rett frå fjorden.
Gratis turkart for kvar grend finn du her.
No items found.
Gata 22, 4230 Sand (Sommarsesongen)
Sandsvegen 134, 4230 Sand (Heile året)
Tel: (+47) 995 63 001
E-post: suldal@visitsuldal.no
