«Venterommet» og lyskaien på Ropeid

Kaien på Ropeid er eit flott, stort område tett på Sandsfjorden, like ved inngongen til Suldal i vest. Tidlegare gjekk ferja mellom Ropeid og kommunesenteret Sand her, men i dag er området ein flott stopp på turen som byr på storslagen utsikt, fiskemoglegheiter og moderne arkitektur. Ropeid har fleire flotte installasjonar, og er ein del av Nasjonal Turistveg Ryfylke.

‍

Venterommet på Ropeid sto ferdig i 2016, og er eit heilt unikt design der fjell og fjordlandskap blir som ein del av rommet gjennom store glasvindauge. Bygget er sett opp i regi av Nasjonal Turistveg Ryfylke, og blei teikna av Jensen & Skodvin.

I 2021 blei kaien på Ropeid vidareutvikla med store asfaltflater og grove massar inn mot fjorden med store og små møblement, krakkar og bord, lykter og lamper. Området er teikna av KAP Arkitekter, og skal viske ut skillet mellom kultur og natur. Tanken er at ein skal kombinere rast og kvile med reperasjon av landskapet.

‍

Godt tilgjengeleg: Området rundt Venterommet og Ropeid kai er godt tilgjengeleg med asfalterte område heilt inntil fjorden. Ein kan også koma inn i Venterommet med brei dør, med eit kort trinn på under 1 cm. Området inne i Venterommet er romsleg.